Question 1

點樣開團／上車？

Accepted Answer

先用 WhatsApp 電話＋密碼登入會員（第一次用要註冊），之後喺拼團大廳揀劇本就可以直接開團，或者直接上公開招募緊嘅團車。團齊人後系統自動通知店家，店家確認檔期即成團。全程喺網站完成，唔使 WhatsApp 開團。

Question 2

開團要填啲咩？開團之後點算？

Accepted Answer

只需揀期望日期同你自己嘅性別位，時段同價錢由店家確認（價錢自動用官方拼團價）。開團後個團會公開喺拼團大廳，任何玩家登入後都可以直接上車，唔使邀請連結。注意：期望日期只係意向，實際開團日期以店家確認成團時為準，唔保證嗰日一定開到。

Question 3

拼團、包團、會員價有咩分別？

Accepted Answer

拼團＝登入會員後喺網站開團或上車，同其他人一齊玩；包團＝約齊人數包起成團，價錢最抵；會員價＝Move Larp 會員專享。所有價錢都已包主持及物資。

Question 4

上車之後要即刻俾錢嗎？

Accepted Answer

上車時唔使即刻俾錢；團齊人、店家確認成團後先收 $100 訂金（轉數快／PayMe），訂金可用於該場費用。確認成團後跳車，訂金不退亦會扣信譽度。

Question 5

新手啱唔啱玩？

Accepted Answer

網站每個劇本都有標示「新手推薦」，第一次玩可以揀新手入門本，或者參加新手體驗工作坊，DM 會帶住你玩。

Question 6

可以指定 DM 帶本嗎？

Accepted Answer

可以！喺 DM/NPC 頁揀啱人選，預約時 WhatsApp 講低想指定邊位，工作人員會幫你確認檔期。

Question 7

夾期房係點運作？

Accepted Answer

成團後每位玩家入夾期房，點低自己邊日（早/午/晚）得，系統自動對出最多人 OK 嘅 Top 3 日期，店家鎖定後就係最終檔期。